சென்னை: மாற்றான் படத்தில் இருந்து டாப்ஸி நீக்கப்பட்டார் என ஒரு தரப்பு தகவல். டாப்ஸியோ அதை மறுத்து, கால்ஷீட் இல்லாததால்தான் நான் சூர்யா ஜோடியாக நடிக்க முடியவில்லை. நிச்சயம் சூர்யா ஜோடியாக நடிப்பேன் என்கிறார்.
“ஆடுகளம்” படத்தில் தனுஷ் ஜோடியாக நடித்தவர் டாப்ஸி. தெலுங்கில் முன்னணி நடிகையாக உள்ளார்.
சூர்யாவை வைத்து மாற்றான் படத்தை கே.வி. ஆனந்த் இயக்குகிறார். இதில் கதாநாயகியாக நடிக்க டாப்ஸியை அணுகினார். ஆனால் அவர் மறுத்து விட்டார் என்று ஒருதரப்பில் கூறப்படுகிறது. மற்றொரு தரப்போ, கேரக்டருக்கு டாப்ஸி ஒத்து வரமாட்டார் என்பதால்தான் அவர் நடிக்கவில்லை. அதன்பிறகு மேக்னா ராஜை பார்த்து கடைசியாக காஜலை ஒப்பந்தம் செய்தனர் என்கிறது.
இதுகுறித்து டாப்ஸி கூறியதாவது:
நிறைய படங்கள் கைவசம் இருப்பதால் மாற்றான் படத்தில் நடிக்க இயலவில்லை. இதை கடைசி படமாக நினைக்கவில்லை. சூர்யா ஜோடியாக நிச்சயம் நடிப்பேன்.
கே.வி. ஆனந்த் சிறந்த இயக்குனர். அவர் டைரக்ஷனிலும் நடிப்பேன். இதுவரை 7 படங்களில் நடித்துள்ளேன். இரவு விருந்துகளில் பங்கேற்று விட்டு மறுநாள் கஷ்டப்பட்டு விழிப்பது எனக்கு பிடிக்காது.
இவ்வாறு டாப்ஸி கூறினார்.
0 comments:
Post a Comment